Basler Fasnacht 2017

"Mer spränge dr Raame" ist das Motto der Basler Fasnacht 2017

Die vier Blaggedde 2017



Mer spränge dr Raame

S Kunschtmuseum darf sich zaige
und d Frau Fasnacht sich vernaige
mit me Helge und em Raame
macht d Blaggedde so Regglaame
Wie soll au e Raame länge
denn d Frau Fasnacht duet en spränge
D Harlekin mit vyl z vyl Pfuus
laufen iber d Kupfer uus
D Gugge schränze mit vyl Gwicht
bis dr silbrig Raame bricht
D Wäägeler hänns in dr Hand
gsprängt wird au dr goldig Rand
S Bijou sprängts au grad e bitz
D Schnitzelbänggler sinn so spitz
D Fasnacht blitzt do wirgglig duure
D Waggis hänn e frächi Schnuure
Scharfi Pointe bruuchts no mee
oder schimpff denn s Comité
Nai, dasch lätz, die schwarze Raabe
sinn jo au nit Waiseknaabe
Waisch, wiesoo du d Larve draisch
dass du alle alles saisch
Mach kai Booge me um Draame
Bebbi, spräng du soo dr Raame

Guet het das dr Müller gmacht
Die Blaggedde isch e Pracht
Alli vier sinn ganz verschiide
sait dr Guido Happle zfriide
Nimmsch du aini, heersch scho s Gschrei
Loos, dir fääle jetz no drei
S Fasnachts-Comité sait salli
Kaufet bitti daas Joor alli

Ich hoffe lieber Feschtbrueder, dass Du trotz Fasnacht, ein stilles Plätzchen unter den Brücken findest

Es gibt schon noch stille Plätzchen, aber man muss etwas weiter gehen.

E paar Schnitzelbängg Joorgang 2017

E grosse Hit an dr Basler Fasnacht isch dr Presidänt vo Amerika

Was unterschäidet uns als Mensche vom Schimpans?
Es siige Hemmige und öppis mit em Schwanz.
Wobii me saage muess, im wisse Huus gits Lüt,
die unterschäidet vom Schimpans im Grund gnoo nüt.

Bruntzguttere


Bild: Daniel Gerny

Jetz ziehn als Twittergwitter duure,
und d Schnurre schnurrt as d Oore suure
und du frogsch di neumeduure:
Was – umgekehrt – regiert die Schnuure?

Rhygwäggi


Z Las Vegas haut s en alte Rocker
wäg däm Donald Trump vom Hogger.
Wo er gseet, wie dä sy Määne schwungvoll hindere gläbt,
rieft dä us: "Y ha’s doch gwüsst‚ dass der Elvis läbt!"

Peperoni

S Runde muess ins Eggige hän sii als gsait
Dasch so ne primidivi Schwoobe-Schutt-Wyyshait
Sii die gilt syt neischtem au fiir d US Waale
Well d Amis maine s Eegglige miess ins Ovaale

Die Unerheerte


Ych hätt e Värs vom Trump bereit!
Aber s gilt "Inländervorrang light!",
Wenn mir dää jetze wurde singe,
mien mir ain vom Glarner bringe!

Bangg Rott


S Hilly sait zem Billy: "Miir bruuchen e Plan B!
Dr Trump muess wägg, daas will y,
als Präsidäntin wott mi gsee."
Druff sait dr Billy denn zem Hilly:
"Yych hilf der, muesch guet loose,
Y lyt graad dr Levinsky aa, die sell em ain go ..."
– sali zämme.

D'Schlyychwäärbig

Im e Hotel gryfft e alte Maa,
us heiterem Himmel dr Blocher aa
es haigi schynt s jo numme kracht
will baidi nit gwisst hän, wie me e Selfie macht.

Pierrot


Eläi scho d Nämme Assad, Putin, Erdogan:
Das döönt martialisch, Aug um Aug und Zahn um Zahn.
Nomen est omen. Und drum muesch — das isch doch s Gröschti
käi Angscht haa vor eme Parteichef namens Röschti.

Singvogel


Das Glaid vom Doris, d0 am Gotthard-Tunnelfescht.
Wirft scho n0 Frooge uff bi allne gladne Gescht.
Denn vor der Bahnfahrt mit em Hollande und em Renzi,
syg das bundesreetlig Glaid nämmlig no ganz gsi.

D'Gasladärne


Sali wie gohts –Du, muesch jetz lose:
Bim Schwimmen im Rhy, krieg ich am lingge Bai
E Grampf und ich dängg: I kumm nie me hai.
I schaffs no zer Boje – heb mi dra wien e Rind,
Do mergg i, gopferdeggel, dasch jo im Baschi Dürr sy Grind!

Wyybuure


"S Schwyzer Volch, das straalt vor Glück, hett Chraft und Energie,
Und Aarmuet haimer kaini, well mer Eidgenosse sii!"
Der Frehner rieft: "Kai Aarmuet in der Schwyz – e Super-Laischtig!"
Doch grad bi däm isch d Aarmuet gross – politisch wie au gaischtig.

PereFiss

I haa SIRI ganz im Verdraue gfroggt,
ob e Trojaner i mym iPhone hoggt.
Kai Angscht, maint SIRI, mer sin elai,
Moskau macht Pause bis am zwai.

Bildsteerig



Sich gsund ernääre isch momentaan d Devyyse
my Doggder duet mer au dr Daag dermit vermyyse
"my Buuch syg z digg",
y saag em: "Mach ghai Gschrey"
"Das isch doch alles numme gsunds Omeega drey"

Giftnuudle



Droge, Sex und Alkohol, Bier und e paar Klaari
dr ganz Daag nüt rächts mache nur e bitzli Larifaari.
So richtig eini duurenuudle bis es glepft und zischt
dr Jungi weiss jetzt ganz genau –
"Y wird Basler Bolizischt!".

Familie M. Steiner



E Schott verlauft sich am Tattoo, verirrt sich ins Quartier,
Är schländeret durs Rotliecht und wird langsam blau vom Bier,
Är schwanggt de griene Linie noo, e Gritte kaifft en aa:
"Faar ab, ych duld kai Konkurränz – jesses – s isch e Maa!

PereFiss



Dr Eric Wäber lauft bim Roche Turm unte duure
No gheit e Yysklotz ihm vom Turm diräggt uff d Schnuure
Do seit d Frau Müller, wo das gseht: "Das isch no glatt"
"Me seit doch immer, d Roche, die machi nüt für d Stadt"

Babberlababb