Schnitzelbängg

Mir hänn e Drämmlifiehrer troffe, dää vom Achter.
Mir hänn ihn gfrogt, wie's ihm so goht, druffaabe lacht er.
Jä mir goht's super, jo dä JOB dää isch voll geil,
ich fahr jetz jeede Daag e paar Mol «Basel-Weil».
Und immer an dr Ändstation, do bin-ich völlig griehrt:
Scho wieder e Laadig Schwoobe uss dr Schwyz in's Ussland gfiehrt.

s Bangg-Ghaimnis

Ich will mich ja nicht zu den Schwaben äußern, nur soviel : Das Verschen gefällt mir

Die Basler haben eine ähnliche Liebe zu den Schwaben, wie zu den Zürchern.

Jä Ziircher glaube no an Beegg, dien in de Stärne lääse,
Glaube an Brunz vom Shiva Mike, an Häxe uff de Bääse,
An Wuduu-Zauber glaube die, und fescht an beesi Gaischter,
Und zwai, drei Ziircher glaube glatt, sie wurde Schwyzer-Meischter!

PereFyss

My Frau und ych - bi Weil am Rhy, faare wiider z Basel yy.
Frischflaisch? froggt dr Zöllner doo.
So fräch muesch myn're Frau nit koo!

Bangg Rott

Uff em Fluufblatz gitt ain Groossalaarm, e huffe Lyt verschregge
d Fyyrweer duet die ganzi Bischte grad mit Schuum bedegge.
E Lootse vor sym Bildschirm sait mit gfasster Stimm: "Verstande!
Alles isch baraad, dr Simon Ammann ka jetz lande!"

D Rätschbääse

Es isch mir Wurscht, i wil's mr gar nid erscht voorstelle,
was genau dr Geri mit sim Chat het welle.
Dr ärmschti Siech isch wäg de Bildli aber dä,
Wo die für d'NSA muess under d'Lupe nä.

Die Verlumpte